УИХ-ын Хүндэтгэлийн хуралдааныг Хархорин суманд хуралдуулна


Монгол Улс үндэсний эрх чөлөө, тусгаар тогтнолоо сэргээн мандуулсны 110 жилийн ой тохиож байгаатай холбогдуулан Улсын Их Хурлын хүндэтгэлийн хуралдааныг Өвөрхангай аймгийн Хархорин суманд зарлан хуралдуулахаар болжээ. Монголчууд хоёр зуу гаруй жил үргэлжилсэн Манжийн дарлалыг 1911 оны арванхоёрдугаар сарын 29-нд эцэс болгож, Богд хаант Монгол Улсаа байгуулсан. Энэхүү түүхэн үйл явдлыг бахархан дурсах үүднээс Их Монгол Улсын нийслэл Хархорум хот буюу одоогийн Өвөрхангай аймгийн Хархорин суманд 2021 оны арван хоёрдугаар сарын 29-ний өдөр Улсын Их Хурлын хүндэтгэлийн хуралдааныг хуралдуулах юм. УИХ-ын гишүүн, УИХ дахь МАН-ын бүлгийн дарга Д.Тогтохсүрэн хуралдааныг зохион байгуулах ажлын хэсгийг ахлан бэлтгэл ажлыг хангаж байгаа бөгөөд цар тахлын нөхцөл байдлаас шалтгаалан гадаад, дотоодын зочид төлөөлөгчдийг цахимаар оролцуулах аж. Энэ үеэр хуралдаанаас гадна Орхоны хөндийн өв соёлын асуудлаар хэлэлцүүлэг хийх юм. Хуралдааныг МҮОНТ орон даяар шууд дамжуулна.
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.