УИХ-ын гишүүн Ж.Батсуурь, Н.Ганибал нарыг АН-ын гишүүнээс хасав


УИХ дахь АН-ын бүлгээс Ж.Батсуурь, Н.Ганибал нарыг хасах болсон талаар тус бүлгийн дарга Д.Ганбат өнөөдөр мэдээлэв. Тодруулбал, АН-ын Үндсэн дүрмийн хороо энэ сарын 15-нд хуралдаж, Ж.Батсуурь, Н.Ганибал нарыг тус намын Үндсэн дүрмийг зөрчсөн хэмээн үзсэн байна. Тиймээс Ж.Батсуурь, Н.Ганибал нарыг АН-ын гишүүнчлэлээс дөрвөн жилийн хугацаатай хасах шийдвэр гаргажээ. Энэ дагуу УИХ дахь АН-ын бүлгийн хурал, үйл ажиллагаанд Ж.Батсуурь, Н.Ганибал нарыг оролцуулахгүй гэдгийг УИХ-ын гишүүн Д.Ганбат мэдээлсэн юм. Ташрамд дурдахад, УИХ-ын 2020 оны ээлжит сонгуулиар АН-ын 11 нэр дэвшигч гишүүнээр сонгогдсон. Гэвч АН-ын дүрмийг зөрчсөн хэмээн үзэж Ц.Тувааныг гишүүнчлэлээс хассан гэдгийг УИХ дахь АН-ын бүлгийн дарга Д.Ганбат энэ сарын 14-нд мэдээлж байсан юм. Харин өнөөдөр Ж.Батсуурь, Н.Ганибал нарыг хассан шийдвэрийг танилцуулснаар тус намын бүлэг 8 гишүүнтэй боллоо.
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.