Австралид коала баавгайн тоо толгой буурчээ


Австралид ган гачиг, ойн түймрийн аюул нүүрлэж, бүтээн байгуулалт хийхийн тулд ой моддыг сүйтгэсний улмаас сүүлийн гурван жилийн хугацаанд коала баавгайн тоо толгой ойролцоогоор 30 хувиар буурсныг тус улсын Коала хамгаалах сангаас мягмар гарагт мэдээлжээ. Тодруулбал, 2018 онд коала баавгайн тоо толгой 80 мянга гаруйгаар тоологдож байсан бол энэ онд 58 мянга орчимд хүрч буурчээ. Түүнээс Шинэ Өмнөд Уэльс мужид тоо толгой нь хамгийн ихээр буюу 41 хувиар буурсан байна. Эдгээр нь нэлээд ноцтой үзүүлэлт болохыг Коала хамгаалах сангийн тэргүүн Дебора Табарт анхааруулжээ. Мөн дээр дурдсан хугацаанд Австралийн аль ч нутагт коаланы тоо толгой өссөн үзүүлэлт ажиглагдаагүй бөгөөд ганцхан бүсэд 5000-аас дээш коала амьдарч байсан бол зарим бүсэд 5-10-т хүрч цөөрчээ. Иймд коала баавгайг хамгаалах хууль хэрэгтэй байгааг Д.Табарт онцлон тэмдэглэсэн байна.
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.