Филиппиний алдарт боксчин ерөнхийлөгчийн сонгуульд өрсөлдөхөө мэдэгджээ


Филиппиний алдарт боксчин Мэнни Пакьяо ирэх оны ерөнхийлөгчийн сонгуульд өрсөлдөнө гэдгээ мэдэгджээ. Түүнийг эрх баригч намын фракц "Ардын хүч-Ардчилсан нам"-аас /PDP-Laban/ нэр дэвшүүлсэн байна. Боксын спортын төрөлд гялалзсан өндөр амжилт үзүүлсэн, өдгөө 42 настай М.Пакьяо нь одоо парламентын сенатч юм. Филиппиний одоогийн Ерөнхийлөгч Родриго Дутертегийн хувьд сонгуульд дахин сонгогдох боломжгүй болсон ч түүнийг өрсөлдөгч намын фракцаас дэд Ерөнхийлөгчийн албанд нэр дэвшүүлэхээр сонгоод байна. Харин шүүмжлэгчдийн хувьд энэхүү шийдвэрийг эрх мэдэлтэй зууралдах оролдлого гэж үзэж байна. Түүнийг ойрын холбоотон Кристофер "Бонг" Гогийн хамт сонгосон ч Р.Дутертегийн халааг авах хүсэлгүй байгаагаа К.Го илэрхийлжээ. Түүний нам К.Гог шийдвэрээ эргэн хараасай хэмээн хүсэж байгаа ч тийнхүү татгалзсантай холбоотойгоор Р.Дутертегийн охин Сара Дутерте-Каприо нэр дэвшиж магадгүй гэх таамаглалыг дэвшүүлээд байна. М.Пакьяогийн боксын карьерийн тухайд, тэрбээр дэлхийн найман өөр жингийн төрөлд ялалт байгуулсан цорын ганц тамирчин юм. Харин өнгөрсөн сард Кубын тамирчин Йорденис Угасын эсрэг хийсэн тоглолтдоо ялагдал хүлээснийхээ дараа тэрбээр зодог тайлах талаар тунгаан бодож буйгаа ярьжээ. Алдарт боксчин ерөнхийлөгчийн сонгуульд нэр дэвшүүлэх саналыг хүлээн авсныхаа дараа, “Би тулаанч хүн. Миний бие рингэн дээр ч, рингийн гадна ч үргэлж тулаанч хэвээр байх болно” хэмээн мэдэгдсэн байна. Түүнчлэн тэрбээр ядуурал, авлигын эсрэг кампанит ажил өрнүүлэхээ амлажээ. Хэдийгээр М.Пакьяо улс орондоо нэр хүнд сайтай хэдий ч томоохон өрсөлдөөнтэй тулгарах төлөвтэй байна. Тухайлбал, олон нийтийн санал асуулгуудад тогтмол С.Дутерте-Каприо тэргүүлж байна. Мөн одоогийн байдлаар Ардын хүч-Ардчилсан намын аль фракцыг 2022 оны сонгуулийн комисс хүлээн зөвшөөрөх нь тодорхойгүй байна.
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.