Токиог зорих Монголын олимпийн баг дөрвөн тамирчнаар бүл нэмлээ


Монголын боксын хоёр тамирчин олимпийн эрх авав. Цар тахлын улмаас олимпийн эрх олгох тэмцээн зохион байгуулагдахгүй болсон тул тамирчдын чансааг харгалзан эрх олгох болсон.

"Токио-2020" олимпийн наадмыг зорих Монголын баг тамирчид дөрвөн тамирчнаар бүл нэмлээ. Катар улсын Доха хотод Дэлхийн ширээний теннисний холбооноос зохион байгуулж буй олимпийн эрх олгох сүүлийн тэмцээнд 50 гаруй улсын шилдэг тамирчид бүсчилэн оролцсон. Энэ тэмцээнд Монгол улсаас ОУХМ Э.Лхагвасүрэн, спортын мастер Ж.Мөнхзориг, Б.Должинзуу Б.Болор-эрдэнэ нар өрсөлдлөө.

Тус тэмцээний Зүүн өмнөд Азийн хэсэгт Монголын улсын шигшээ багийн тамирчид багтаж, 12 улсаас Монгол улсын шигшээ багийн тамирчин спортын мастер Б.Болор-эрдэнэ, ОУХМ Э.Лхагвасүрэн нар амжилттай тоглож, "Токио-2020" олимпийн эрхийг эх орондоо авчирчээ. Ийнхүү Монгол Улс түүхэндээ анх удаагаа олимпийн наадамд ширээний теннисний төрлөөр оролцох гэж байна.

Мөн Монголын боксын хоёр тамирчин олимпийн эрх авав. Цар тахлын улмаас олимпийн эрх олгох тэмцээн зохион байгуулагдахгүй болсон тул тамирчдын чансааг харгалзан эрх олгох болсон. Ийнхүү эмэгтэйчүүдийн -75 кг-ийн жинд дэлхийн чансаанд эхний наймд бичигдсэн М.Мягмаржаргал болон эрэгтэйчүүдийн -60 кг-ийн жинд дэлхийн чансаанд хоёрт бичигдсэн Э.Цэндбаатар нар олимпийн эрхээ авлаа. Боксын тамирчин М.Мягмаржаргал нь Монголын боксын түүхэнд олимпийн эрх авсан анхны эмэгтэй тамирчин болж байна.

Эх сурвалж: Б.Мөнгөнтамир (news .mn)

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.