Оросын хоккейн ирээдүйтэй тамирчин шайбанд цохиулж, амиа алджээ


Динамо багийн зүгээс ирэх тоглолтуудынхаа өмнө нэг минут чимээгүй зогсч залуу хамгаалагчдаа хүндэтгэл үзүүлэхээр болжээ.

Оросын хоккейн өсөх ирээдүйтэй залуу тамирчин толгойдоо шайбаар цохиулж харамсалтайгаар амиа алджээ. Энэ тухай Динамо Санкт Петербург багийн зүгээс өчигдөр/2021.03.16/ мэдэгдсэн байна. Тимур Фаизутдинов 19 настай байсан бөгөөд гуравдугаар сарын 12-ны өдөр Ярославльд хийсэн аялан тоглолтын үеэр толгойдоо шайбаар цохиулсан аж.

Динамо Санкт Петербург багийн мэдэгдэлд “Тимур Фаизутдинов гуравдугаар сарын 12-ны өдөр Ярославль хотод Локомотив багийн эсрэг хийсэн тоглолтын үеэр гэмтэл авсан. Шайб түүний толгойн тус газар онож, тамирчин маань маш хүнд гэмтсэн. Эмч нар түүнийг амьдруулахын тулд гурван өдөр тэмцсэн. Тэр үргэлж Динамогийн нэг хэсэг байх болно. Үргэлж бидний зүрхэнд оршино” хэмээжээ.

Динамо багийн зүгээс ирэх тоглолтуудынхаа өмнө нэг минут чимээгүй зогсч залуу хамгаалагчдаа хүндэтгэл үзүүлэхээр болжээ.

Эх сурвалж: Б.Мөнгөнтамир (news .mn)

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.