Т.Ганболд: Би МАН-ыг нэг хэсэг хүмүүсийн бохир аргаар, нийтийг хохироох гэсэн тогтолцоо гэж хардаг


"Алтан Дорнод Монгол" ХХК-ий ТУЗ-ийн дарга Т.Ганболд өөрт нь МАН-д гишүүнээр элсэх урилга олон ирсэн, гэвч татгалзсан шалтгаанаа цахим хуудастаа тайлбарлан бичжээ.

"Хоёр жилийн өмнө талбай дээр очоод үг хэлж л явсан. Мэдээж хэрэг тэр тогтолцоо, эрх мэдэлтнүүдийн хүчний хоорондын тэмцлийн нэг талд нь дэмжлэг үзүүлж буй хэлбэр шүү дээ. Шинээр оршин тогтнож, шинээр гарч ирж буй хүмүүсийг ярьж байгаа шиг ээ шинэ, зөв, шударга зүйл хийх болов уу гэж найдсан хэрэг.

Тэр цаг үеэс намайг У.Хүрэлсүхийн тал, Л.Оюун-Эрдэнийн гар хөл болсон гээд л янз бүрээр хардсан. Аливаа хүний амьдрал, хүн төрөлхтний түүхэнд хамгийн том шүүгч нь цаг хугацаа байдаг.

Намайг хоёр жилийн өмнө тэгж явснаас хойш зөндөө олон удаа МАН-д элсэх урилга ирсэн. Юу гэж би хамгийн сайн мэддэг намдаа дахин элсэх вэ дээ. Өмнө нь 2005-2015 онд МАН-ын бага хурлын гишүүн явж, 2015 оны 12 сард сард 65-аараа ялахын өмнө намаас гарч байлаа.

Би МАН гэдэг юмыг сайн, муу гэхээс илүү нэг хэсэг хүмүүсийн буруу, бохир аргаар, нийтийг хохироох гэсэн тогтолцоо гэж хардаг. Улс төр гэдэг нэр томьёо, эрх барина гэдэг ойлголтоор намын араар орж, амьжиргаагаа залгуулдаг, нийтийн хөрөнгө цөлмөдөг асуудлуудыг тэвчиж чадаагүй. Хэрвээ би албан тушаал, эрх мэдэл дээр очъё гэсэн бол МАН-д элсээд, МАН-аас нэр дэвшиж маш амархан сайд болчих байлаа" гэжээ.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.