Мишель Обама хүүхдүүдэд хоол хийхийг заана


Мишель Обама өмнө нь “Netflix” –тэй хамтран "Becoming" баримтат нэвтрүүлгээ цацсан ба “Spotify” дээр подкаст хөтөлдөг.

АНУ-ын тэргүүн хатагтай асан Мишель Обама “Netflix” сувгийн хүүхдэд зориулсан хоолны шоунд оролцохоор болжээ. Тэрбээр “Ваффлес + Мочи” гэх нэвтрүүлгийн гүйцэтгэх продюсероор ажиллахын зэрэгцээ өөрөө дэлгүүрийн эзний дүрээр оролцох гэнэ. Түүний оролцсон шоу нэвтрүүлэг гуравдугаар сарын 16-аас эхлэн цацагдаж эхлэх аж. Ваффлес, Мочи бол өхөөрдөм хоёр гөлөг бөгөөд тэднийг тогооч болоход Мишель Обама дэлгүүрийн эзний хувиар туслах аж.

Тус шоу нэвтрүүлгийн санаа нь Мишель Обамагийн хүүхдийн хэт таргалалтын эсрэг “Хөдөлцгөөе” нийгмийн эрүүл мэндийн кампанит ажилтай уялдаж байгаа аж.

Мишель Обама өмнө нь “Netflix” –тэй хамтран "Becoming" баримтат нэвтрүүлгээ цацсан ба “Spotify” дээр подкаст хөтөлдөг. Барак Обама болон Мишель Обама нарын “Higher Ground” продакшн нь “Netflix”-тэй олон жил хамтран ажиллах гэрээтэй аж.

ЭХ СУРВАЛЖ: CNN

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.