Арваннэгдүгээр сарын 18-ны өдрөөс эхлэн нийслэлийн хэмжээнд нийтийн тээврийн цагийн хуваарьт өөрчлөлт оруулж 07:00-10:00, 17:00-20:00 болгож өөрчилсөн. Мөн дээрх хугацаанд зөвшөөрөгдсөн 13 салбарын албан хаагчид хувийн тээврийн хэрэгслээрээ хөдөлгөөнд оролцохыг зөвшөөрсөн.

Гэвч шийдвэр хэрэгжиж эхэлсний маргаашнаас эхлэн иргэдийн зүгээс “хэт их бөөгнөрөл, түгжрэл үүсгэж, халдвар хамгааллын дэглэм алдагдах нөхцөл бүрдэж байна” хэмээн шүүмжилж буй. Дээрх шийдвэрийн хүрээнд хүнс тээвэрлэлтийг ч өдрийн цагаар хорьсон юм. Тэгвэл Нийслэлийн Засаг дарга твиттертээ ийнхүү жиргэжээ.