Трамп бүтэлгүй ажилчдынхаа "ачаар" Оросын доог тохуу болов


АНУ-ын Ерөнхийлөгч Дональд Трампын сонгуулийн сурталчилгааны баг энэ сарын 11-нд гаргасан зурагт хуудсандаа санамсаргүйгээр Оросын сөнөөгч онгоцыг дүрсэлснийг олон хүмүүс ёжилж байна.

Энэхүү зурагт хуудсанд гурван америк цэрэг алхаж, дээгүүр нь сөнөөгч онгоцууд нисч байгааг дүрслээд “Цэргүүдээ дэмжие” гэх утгатай уриаг бичжээ. Харамсалтай нь зурагт хуудсанд дүрслэгдсэн сөнөөгч онгоцнууд нь Оросын “МиГ-29” загварын онгоц байсан төдийгүй нэг цэргийнх нь барьсан буу нь мөн л Оросын “АК-47” буу байгааг цэргийн мэргэжилтнүүд баталжээ.

Оросын мэргэжилтнүүд “Тэд манай цэргүүдийг дэмжиж байгааг харахад таатай байна” хэмээн хошигнон ярьж байгаа аж.

Зурагт хуудсанд ашигласан дүрсийг Трампын сонгуулийн кампанит ажлын баг “shutterstock.com” сайтын сангаас авсан байна. Ийнхүү бүтэлгүй ажилтнуудынхаа “ачаар” АНУ-ын Ерөнхийлөгч Оросын мэргэжилтнүүдийн доог тохуу болоод амжжээ.

Эх сурвалж: Politico

Н.Амгалантуул (news.mn)

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.