Америкийн “Диснейлэнд” паркийг нээхийг ажилтнууд нь эсэргүүцэв


 АНУ-ын Калифорни муж улс дахь "Диснейленд" паркийн ажилтнууд коронавирусний цар тахлын үед тус паркийг удахгүй нээхээр төлөвлөж байгааг эсэргүүцэн жагсжээ.

"Диснейленд" болон “Дисней Калифорнийн адал явдалт парк”-ийг долдугаар сарын 17-нд нээхээр төлөвлөж байжээ. Гэвч  ажлын талаарх зөвлөмжийг удирдлагууд оройтож нийтэлсэнтэй холбоотойгоор сэдэвчилсэн паркийг нээх хугацааг энэ долоо хоногт тодорхойгүй хугацаагаар хойшлуулсан байна. Компани паркийг нээх шинэ өдрийг зарлаагүй байгаа аж.

“CBS” сувгаар мэдээлснээр, зуу гаруй чимэглэсэн машин "Диснейленд"-ийн хоосон цогцолборыг тойрон явжээ. Паркийн ажилтнууд машиныхаа дуут дохиог дуугарган дургүйцлээ илэрхийлж, аюулгүй байдлыг хангах, цогцолборыг нээх төлөвлөгөөгөө өөрчлөхийг уриалсан байна. Эсэргүүцлийн ажиллагааг "Диснейленд"-ийн 17 мянга орчим ажилтны эрх ашгийг төлөөлдөг үйлдвэрчний эвлэл зохион байгуулжээ.

Харин паркийн удирдлагууд шаардлагатай арга хэмжээг авч, хүмүүсийг ажилд нь буцаахыг оролдож буй энэ үед ийм арга хэмжээ зохион байгуулсанд  харамсаж буйгаа илэрхийлсэн байна.

“Диснейланд” паркийг гуравдугаар сарын дундуур коронавирусний улмаас хаасан байна. Хүмүүс хамгийн их очдог паркуудаас дэлхийд болон АНУ-даа хоёрдугаарт ордог  Калифорнийн “Диснейлэнд”-д  2019 онд 18.7 сая хүн зочилжээa

Эх сурвалж: ''montsame.mn''

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.