Багдадад суугаа АНУ-ын Элчин сайдын яамны ойролцоо пуужин дэлбэрчээ


Багдадын чанга хамгаалалт бүхий ногоон бүсэд АНУ-ын Элчин сайдын яам болон бусад дипломат байгууламжуудын ойролцоо дор хаяж нэг пуужин унасан нь ойрын хэдэн долоо хоногтоо анхны халдлага байж болзошгүй тохиолдол боллоо.

Дэлбэрэлт өнөөдөр/2020.05.19/ өглөө АНУ-ын Элчин сайдын яаманд түгшүүрийн дохио хангинууллаа хэмээн нутгийн хэвлэлүүд мэдээлжээ. Пуужинг Багдадын зүүн дүүргээс галласан бөгөөд хоосон байшин оносноор хүний амь хохироогүй аж.

Тус ногоон бүс олон жилийн турш халдлагын бай байсаар ирсэн бөгөөд он гарснаас хойш дор хаяж 27 пуужингийн халдлага болсон гэнэ. Уг нь сүүлийн хэдэн долоо хоногийн турш иймэрхүү халдлага бололгүй тайван байсан аж. Үүнээс өмнө хамгийн сүүлд ногоон бүсээс баруун зүгт 25 км газарт байрлах олон улсын нисэх онгоцны буудалд пуужин унажээ. Хэрвээ энэ удаагийх халдлага мөн бол Иракын тагнуулын албаны дарга асан Мустафа Аль-Кадими Ерөнхий сайдын албан тушаалд томилогдсоноос хойш анхны халдлага хэмээн бүртгэгдэх юм.

Эх сурвалж: А.Амарбаясгалан (news.mn)

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.