А.Амбасэлмаа: Халдвар илэрсэн оюутнуудын биеийн байдал гайгүй байна


Эрүүл мэндийн яамнаас COVID-19-ийн талаар ээлжит мэдээллээ хийх үеэр халдвар авсан сонсогчдын биеийн байдал болон бусад асуудлаар ХӨСҮТ-ийн Тандалт судалгааны албаны дарга А.Амбасэлмаа сэтгүүлчдийн асуултад хариул өглөө. 

- Эмч нарын хүрэлцээ хангамж хэр байгаа бол. Тусгай нислэгээр ирээд төрсөн эмэгтэйгээс төрсөн хүүхдийн биеийн байдал зүгээр үү?

- Жирэмсэн эх хоёр удаа шинжилгээ хийлгэхэд хоёулаа сөрөг байсан. Хяналтад ороод 14 хонож байсан эмэгтэй өчигдөр амаржсан. Судалгаанаас харахад жирэмсэн эхээс төрсөн хүүхдэд халдвар дамжих нь бага гэдэг мэдээлэл байна. Бид эх хүүхдийг хянаж үргэлжлүүлэн хянаж байгаа.

- Франкфуртийн онгоцоор ирж, ХӨСҮТ-д тусгаарлагдаж байсан иргэний эхний шинжилгээ нь сөрөг гараад давтан шинжилгээ нь эерэг гарсан тул тусгаарлагдаад эмчилгээндээ орсон.

- Ирж байгаа зорчигчдыг хэрхэн тусгаарлаж байгаа вэ?

-  Онгоцоор ирсэн зорчигчдыг Буянт-Ухаа нисэх онгоцны буудал, Алтанбулагийн боомт МХЕГ, ОБЕГ, ХӨСҮТ-ийн мэргэжилтнүүд ялгаж авна. Хилийн нэвтрэх цэг дээр шинж тэмдэгтэй хүмүүсийг ХӨСҮТ-д тусгаарлаж байгаа. Бид нар тусгаарлах байруудад авч байгаа хүмүүсийг нэг нэгээр нь байрлуулж байгаа. 

340 гаруй хүнийг өчигдөр шинжлэхэд манай хүмүүс шөнийн гурван цаг хүртэл явж шинжилгээ авсан. Зарим шинжилгээний эцсийн хариу гараагүй, шинжилгээ тандалт судалгаа үргэлжилж байгаа. Сая урьдчилсан байдлаар 18 хүний шинжилгээний хариу эерэг гарсан. Хөнгөн өвчлөөд ирсэн залуучуудаа олоод эмчилж байгаа нь талархууштай хэрэг тул ард иргэд уужуу тайван хандаж, хүүхдүүдийнхээ сэтгэл санааг дэмжихийг хүсье. Хүүхдүүд эх орондоо ирээд оношлогдож байгаа нь бас учиртай. Тэдний биеийн байдал гайгүй байна. Зарим нь шинж тэмдэг нь эхлээгүй.

Өнөөдөр Истанбулын онгоц буулаа. Дахиад 179 зорчигчийг манайхан ялгаж байна. Одоогийн байдлаар эмч нар хүрэлцээтэй байна. Ачаалал нэмэгдвэл дараагийн төлөвлөлтийнхөө дагуу явна. Мөн дахиж үзэх шаардлагатай шинжилгээнүүд бий.

Нэг зүйлийг нэмж хэлэхэд энэ халдвар нь шинэ халдвар тул нууц үе нь тодорхойгүй. 14-24 хоногийн хугацаа нь нууц үе хэмээн үзсэн учраас бид 21 хоног танддаг ажлаа үргэлжлүүлэх хэрэгтэй.
 
- Эмч, ажилчдыг хэрхэн халдвараас сэргийлж байна вэ?
 
- Бидний өмнө нь захиалж авсан хамгаалах хувцас хэрэгсэл хангалттай бий. Мэдээж эмч, ажилчдаа хамгаалах нь чухал. 
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.