УИХ-ын гишүүн Д.Дамба-Очир, Г.Солтан нарыг яллах дүгнэлт үйлджээ


Прокурорын ерөнхий газраас олны анхаарлыг татсан зарим хэргийн шийдвэрлэлт ямар байгаа талаар мэдээлэл хийлээ.

  • Засгийн газрын гишүүн асан Б.Болор, Д.Эрдэнэбат, Монголбанкны ерөнхийлөгч асан Ж.Золжаргал, Зам, тээврийн хөгжлийн сайд асан Д.Ганбат, тус яамны газрын дарга Д.Доржханд нарыг эрх мэдлээ урвуулан ашиглаж авлигал авсан хэрэгт өнгөрсөн гуравдугаар сарын 31-нд яллах дүгнэлт үйлдэж Сүхбаатар дүүргийн шүүхэд шилжүүлжээ.
  • Эрүүл мэндийн даатгалын ерөнхий газрын дарга асан Ч.Алтанхуяг, "Чингис хаан" банкны гүйцэтгэх захирал асан Сандагдорж нарыг авлигал авсан хэргээр өнгөрсөн хоёрдугаар сарын 18-нд яллах дүгнэлт үйлдэж шилжүүлснийг Сүхбаатар дүүргийн шүүх хэлэлцээд гэм буруутайд тооцсон байна.
  • УИХ-ын гишүүн Д.Дамба-Очир, Г.Солтан нарт холбогдох эрх мэдлээ урвуулж ЖДҮХС-гаас зээл авах давуу байдал бий болгосон хэрэгт яллах дүгнэлт үүсгэжээ.
  • УИХ-ын гишүүн Л.Энхболд, Б.Ундармаа нарт холбогдох хэргийн мөрдөн шалгах ажиллагаа дуусаагүй учраас прокурорын хяналтад ирээгүй. 
  • "Жаст" группын захирал Ш.Батхүү, "Эрдэнэт" үйлдвэрийн захирал асан Д.Ганзориг нарт холбогдох эрх мэдлээ урвуулан ашиглаж мөнгө угаасан хэргийгн мөрдөн шалгах ажиллагаа дуусч прокурор хянаж байна.
  • Цахим сүлжээ ашиглаж мөнгө угаасан хэрэгт БНХАУ-ын 23 иргэний хэргийг хянаж байна. Мөн энэ хэрэгт Монгол Улсын иргэд яллагдагчаар татагджээ.
  • Хөгжлийн банкны гүйцэтгэх захирал асан Н.Мөнхбат ТУЗ-ын гишүүн асан Б.Шинэбаатар, Г.Отгочулуу нарт холбогдох хэргийг Сүхбаатар дүүргийн шүүхэд шилжүүлсэн байна. Гэвч өмгөөлөгч шүүх хуралд ирээгүй шалтгаанаар хоёр удаа, шүүх бүрэлдэхүүнээс татгалзсан шалтгаанаар хоёр удаа шүүх хурал нь хойшилжээ.
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.