“Буянт-Ухаа 2” хорооллын есөн орон сууцыг гачигдалтай иргэдэд олгохоор болжээ


“Нийслэлийн орон сууцны корпорац” ХК-аас 2019 онд “Буянт-Ухаа 2” орон сууцны хорооллын 972 айлын орон сууцыг зорилтод бүлгийн 8 ангилалд хуваарилан, түрээсийн болон түрээслээд өмчлөх хэлбэрээр цахим бүртгэл явуулж, иргэдийг орон сууцжуулах ажлыг зохион байгуулсан. Энэ ажлын хүрээнд гамшигт үзэгдлийн улмаас орон гэргүй болсон иргэдэд 15 орон сууц хуваарилсан юм.

Холбогдох журмын дагуу зургаан иргэн орон сууцандаа орсон бөгөөд өдгөө 9 байр сул байгаа аж. Тиймээс сул байгаа байруудыг үр ашигтай байлгах, зорилтот бүлгийн иргэдийг орон сууцаар хангах хүрээнд гачигдалтай иргэдэд олгох асуудлыг Нийслэлийн ИТХ-ын Тэргүүлэгчдийн хуралдаанаар хэлэлцэн, шийдвэрлэлээ. Ингэснээр Нийслэлийн Засаг дарга дээрх 9 байрыг “Орон сууцны хууль”-ийн дагуу дээрх зорилтот бүлгийн хүмүүст олгох юм.

Ташрамд өгүүлэхэд, “Нийслэлийн орон сууцны корпорац” ХК-аас орон сууц бариулсан тохиолдолд 5 хувийг нь гамшигт үзэгдлийн улмаас орон гэргүй болсон иргэдэд хуваарилах квотыг Нийслэлийн ИТХ-аас тогтоож өгсөн байдаг.

Туул тосгоны 50 хүүхдийн ортой цэцэрлэгийг нийслэлийн өмчид бүртгэн авлаа

Хан-Уул дүүргийн 13 дугаар хороонд ашиглалтад орсон 50 хүүхдийн ортой цэцэрлэгийн барилгыг нийслэлийн өмчид бүртгэн авлаа. БНСУ-ын хөрөнгө оруулалттай “Хамтын дэлхий” ТББ-ын  хандив, буцалтгүй тусламжаар Туул тосгонд 50 хүүхдийн ортой цэцэрлэгийн барилга барьж, энэ хичээлийн жилд ашиглалтад оруулсан.

Тэгвэл уг барилгыг нийслэлийн өмчид бүртгэж, Хан-Уул дүүргийн 144 дүгээр цэцэрлэгийн данс бүртгэлд тусгуулан ашиглалт хамгаалалтыг нь хариуцуулахаар боллоо.

 

Эх сурвалж: Нийслэлийн ИТХ-ын ХМОНХТ

 
 
 
 
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.