Хятадын тэрбумтан Жэк Магийн сан Монгол Улсад тусламж илгээхээр болжээ


Хятадын тэрбумтан Жэк Магийн үүсгэн байгуулсан The Jack Ma Foundation, Alibaba Foundation сангууд шинэ коронавирусийн тахалтай тэмцэхэд нэн шаардлагатай материалуудыг Ази тивийн 10 улс оронд илгээхээр болсноо өчигдөр зарлажээ.

Монголоос гадна Афганистан, Бангладеш, Камбож, Лаос, Мальдив, Мьянмар, Балба, Пакистан, Шри Ланка улсуудын засгийн газрууд нийтдээ 1.8 сая амны хаалт, 210,000 оношлуур, 36,000 хамгаалалтын хувцас хэрэглэл тусламж болгон авахаар болсон байна.

Мөн халуун хэмжигч, уушги орлуулагч аппарат зэрэг тоног төхөөрөмжүүд Жэк Магийн тусламжид багтжээ.

Хятадын хамгийн баян эрхэм хэдхэн өдрийн өмнө Малайз, Индонез, Тайланд, Филиппин гэсэн зүүн өмнөд Азийн орнуудад тусламж үзүүлсэн юм.

Энэ долоо хоногийн эхээр тэр Африк тивийн бүх улс орнуудад тусламжийн гараа сунгасан бол өнгөрсөн долоо хоногт АНУ, Итали, Иран, Өмнөд Солонгос зэрэг улсуудад коронавирусийн оношлуур, амны хаалт зэргийг илгээж байв.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.