Э.Билэгсайхан өнөөдөр, М.Анхцэцэг маргааш тэмцээндээ оролцоно


Хүндийн өргөлтийн ДАШТ Тайландын Паттаяа хотноо болж буй бөгөөд энэ удаагийн тэмцээнд манай улсаас дасгалжуулагч Ц.Хосбаярын удирдлага дор таван тамирчин оролцож байгаа билээ.

 

Тэднээс эмэгтэй 55 кг-ын жинд Ч.Нямзул, эрэгтэй 67 кг-ын жинд Э.Мөнхдөл нар тэмцээнээ өндөрлүүлээд байна.

Өнгөрсөн амралтын өдөр оюутны ДАШТ-ий мөнгө, өсвөрийн ААШТ-ий мөнгөн медальт Г.Анужин 64 кг-ын жинд өрсөлдсөн. Энэ жинд 42 тамирчин өрсөлдсөнөөс "Рио"-гийн олимпийн аварга, ДАШТ-ий дөрвөн удаагийн алтан медальт, Хятадын Дэн Вей нийлбэр 261 кг-ыг өргөж, дэлхийн аваргын тав дахь алтан медалиа хүртлээ.

Манай улсаас оролцож буй С группт өрсөлдсөн Г.Анужин нийлбэр дүнгээр 190 кг-ыг өргөж, 31-р байранд оржээ.

Тэрбээр огцом өргөлтөөр 87 кг-ыг өргөсөн бол түлхэлттэй өргөлтөөр 103 кг-ыг өргөсөн байна.

Манай туйванчдаас гурван тамирчин тэмцээнээ өндөрлүүлээд байгаа бол Э.Билэгсайхан өнөөдөр, дэлхийн аваргын хүрэл медальт М.Анхцэцэг маргааш хуваарийн дагуу тэмцээндээ оролцоно.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.