ДОПИНГ ИЛЭРСЭН ХОЁР БӨХИЙН НЭРИЙГ ЗАРЛАХ БОЛОМЖГҮЙ ГЭВ


Үндэсний баяр наадамд таваас дээш давсан бөхчүүдээс допингийн шинжилгээ авдаг. Тэгвэл энэ жилийн буюу Ардын хувьсгалын 98 жилийн ойн Үндэсний их баяр наадмын хүчит бөхийн барилдаанд шөвгөрсөн 16 бөхөөс авсан допингийн шинжилгээний хариу өнгөрсөн баасан гарагт гарчээ. Энэ асуудлаар Үндэсний их баяр наадам зохион байгуулах хорооны Бөхийн салбар хорооноос өнөөдөр /2019.08.12/  мэдээлэл хийлээ.

Энэ талаар Үндэсний баяр наадмыг зохион байгуулах салбар хорооны дарга. Г. Билгүүн хэлэхдээ

“Энэ жил хоёр бөхөөс хориот бодис илэрсэн. Найман сарын тавны бичгийн найманд хариу ирж, 16 бөхөд утсаар мэдэгдсэн. Харин хориотой бодис илэрсэн хоёр бөх хөдөө явчихсан учраас утсаар холбогдож чадаагүй. Нэгээс нь нэг төрлийн, нэгээс нь дөрвөн төрлийн сэргээшийн бодис илэрсэн.  Наймдугаар сарын 8-нд хоёр бөхтэйгээ холбогдсон. Нэг нь 9-нд нэг нь өчигдөр хариутайгаа танилцсан.

Допинг илэрсэн хоёр бөхийн нэрийг өнөөдөр шууд зарлах боломжгүй. Учир эдгээр бөхчүүд мэдэгдэл хүргүүлснээс хойш 10 хоногийн дотор В сорьцын шинжилгээ өгөх ёстой. Шинжилгээг өгсний дараа нэрийг нь зарлах боломжтой. Одоогоор энэ хоёр бөх хариу өгөөгүй байна. Баяр наадмын тухай журамд энэ талаар тодорхой заасан байгаа. Хувь хүний нууцтай холбоотой асуудал” гэсэн юм.

Ардчилал.мн

Б.Бадралмаа

 

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.