УСНЫ ХОМСДОЛ ҮҮСЭХ ХАМГИЙН ӨНДӨР ЭРСДЭЛТЭЙ ОРНУУД


17 улсын 1.8 тэрбум хүн буюу дэлхийн хүн амын дөрөвний нэг нь ойрын жилүүдэд усны дутагдалтай нүүр тулах эрсдэл ойртож байна. Эдгээр улсын дотроос 12 нь Ойрх Дорнод, Хойд Африкийн орнууд байгааг Вашингтонд төвтэй усны нөөцийн хүрээлэнгээс гаргасан Aqueduct хэмээх усны эрсдэлийн газрын зурагт харуулжээ. Азиас Энэтхэг, Пакистан хоёр багтсан байна. Дээр нь Европын Сан Марино, Африкийн өмнөд бүсийн Ботсван, Төв Азийн Туркменистан улсууд энд багтжээ.

Ойрх Дорнод, Хойд Африкийн халуун бүсэд усны хангамж муудаж, эрэлт нэмэгдэж байгаагаас хямрал үүсэж болзошгүйг тус хүрээлэн анхааруулжээ. Тухайлбал, хамгийн өндөр эрсдэлтэй Катар гэхэд далайн усыг давснаас ангижруулах замаар гарган авсан усаар хүн ам, үйлдвэрлэлийн хэрэглээний ихэнх хэсгийг хангаж байгааг энэ тайланд тэмдэглэжээ.

Зуны цагт хэт халуун болон борооны улирал хойшилсны улмаас хотын цэвэр усны сангууд хатжээ. Үүнээс болж эсэргүүцэл, хүчирхийлэл гарсны дээр бизнес тасалдаж, технологийн зарим компани ажилтнуудаа гэрээсээ ажиллахыг зөвшөөрөв.

Энэ оны эхээр усны хэт хомсдолын улмаас Энэтхэгийн 7.1 сая хүн амтай Ченнай хотод эдийн засгийн эрсдэл үүссэн байна. Зуны цагт хэт халуун болон борооны улирал хойшилсны улмаас хотын цэвэр усны сангууд хатжээ. Үүнээс болж эсэргүүцэл, хүчирхийлэл гарсны дээр бизнес тасалдаж, технологийн зарим компани ажилтнуудаа гэрээсээ ажиллахыг зөвшөөрөв.

Усны хурц хомсдол нүүрлэж буй орнууд жилдээ гадаргын ба гүний усныхаа 80 хүртэл хувийг ашигладаг агаад уур амьсгалын өөрчлөлтийг дагаад жаахан ган болоход л хомсдол үүсэх төлөвтэй байгааг Вашингтоны усны хүрээлэн анхааруулжээ. Дээрх жагсаалтын 13-т бичигдсэн Энэтхэг улс энд багтсан 16 улсын хүн амыг нийлүүлснээс гурав дахин илүү хүн амтай учир усны хомсдолын асар өндөр эрсдэлтэйд тооцогдоно.

Энэтхэгийн асуудал зөвхөн өмнөд мужуудаар хязгаарлагдахгүй. Aqueduct-ад мөн гүний усны нөөцийг судалсан бөгөөд хойд Энэтхэгт гүний ус их хэмжээгээр үгүй болж байгааг илрүүлсэн байна. Газрын зураг бүтээх ажлыг удирдсан Пол Рейг “Бид усны хэрэгцээгээ хангахын тулд гүний уснаас ихээхэнхамаардаг. Гэтэл гүний ус нүдэнд үл үзэгдэх учир бид маш муу менежмент хийдэг” хэмээн сэтгүүлчдэд ярилаа. Дэлхийн 150 улсыг усны хангамжийн эрсдэлээр жагсаасан (хэт өндөр, өндөр, дундаас дээш, дундаас доош, доогуур гэсэн таван шаталбартай) хүснэгтэд Монгол улс 55-д буюу дундаас дээш эрсдэлтэй зэрэглэлд багтсан байна. 

Ханна Дормидо

 

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.