ТОКИОГИЙН ДАШТ-Д 152 ОРНЫ ЖҮДОЧИД ӨРСӨЛДӨНӨ


Жүдо бөхийн насанд хүрэгчдийн Дэлхийн аварга шалгаруулах тэмцээн/ДАШТ/ Японы Токио хотод эхлэхэд 19 хоног үлдлээ. Тодруулбал, энэ жилийн ДАШТ наймдугаар сарын 25-наас есдүгээр сарын 1-ний хооронд болох билээ. “Токио 2020” Олимпийн наадмын өмнөх том шалгуур болсон энэ жилийн ДАШТ-д 152 орны 918 жүдоч /эрэгтэй 554, эмэгтэй 364/ оролцохоор мэдүүлгээ өгчээ.

Монгол Улсаас Олимпийн алт, мөнгөн медальт, Хөдөлмөрийн баатар, Гавьяат тамирчин Н.Түвшинбаяр тэргүүтэй жүдочид өрсөлдөхөөр бэлтгэл сургуулилтаа хийж байна. Энэ жилийн Токиог зорих багт “Рио 2016” Олимпийн наадмын хүрэл медальт, дэлхийн аварга Хөдөлмөрийн баатар Д.Сумъяа болон Г.Болдбаатар, Д.Төмөрхүлэг, Г.Хэрлэн, Ц.Батцэцэг нарын шилдэг тамирчид багтаагүй юм. Монголын багийн бүрэлдэхүүнийг танилцуулья.

МОНГОЛЫН БАГ:

ЭМЭГТЭЙ:

  • 48 кг: М.Уранцэцэг, Г.Наранцэцэг
  • 52 кг: Б.Хорлоодой, Л.Сосорбарам
  • 57 кг: Л.Энх-Отгон
  • 63 кг: Б.Мөнгөнчимэг, Б.Ганхайч
  • 70 кг: Ц.Энхчимэг
  • 78 кг: О.Мөнхцэцэг

ЭРЭГТЭЙ:

  • 60 кг: Д.Амартүвшин
  • 66 кг: Ё.Басхүү
  • 73 кг: Г.Одбаяр, Ц.Цогтбаатар
  • 81 кг: О.Ууганбаатар
  • 90 кг: Г.Алтанбагана
  • 100 кг: Л.Отгонбаатар
  • +100 кг-ын жинд Н.Түвшинбаяр, Ө.Дүүрэнбаяр нар сонгогджээ.

“Токио 2019” ДАШТ наймдугаар сарын 25-д эрэгтэй 60, эмэгтэй 48 кг-ын жингийн барилдаанаар эхэлж, есдүгээр сарын 1-д холимог багийн төрлөөр өндөрлөнө.

ХУВААРЬ:

  • Наймдугаар сарын 25: эрэгтэй 60 кг, эмэгтэй 48 кг
  • Наймдугаар сарын 26: эрэгтэй 66 кг, эмэгтэй 52 кг
  • Наймдугаар сарын 27: эрэгтэй 73 кг, эмэгтэй 57 кг
  • Наймдугаар сарын 28: эрэгтэй 81 кг, эмэгтэй 63 кг
  • Наймдугаар сарын 29: эрэгтэй 90 кг, эмэгтэй 70 кг
  • Наймдугаар сарын 30: эрэгтэй 100 кг, эмэгтэй 78 кг
  • Наймдугаар сарын 31: эрэгтэй +100 кг, эмэгтэй +78 кг
  • Есдүгээр сарын 1: Холимог багийн ДАШТ

ДАШТ-ий тасалбарыг худалдаалж эхэлсэн бөгөөд https://tokyojudo2019.jp/en/ сайтаар дамжуулан холбогдож, захиалгаа өгөх боломжтой юм.

 

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.