БҮХ ЦЭРГИЙН НААДАМД Т.ДҮГЭРДОРЖ ТҮРҮҮЛЖ, ЦЭРГИЙН АРСЛАН БОЛОВ


Бүх цэргийн баяр наадам, цэргийн цол олгох аймаг, цэргийн цолтой 256 бөхийн барилдаан өчигдөр “Бөхийн өргөө”-нд боллоо. Цэргийн наадамд Завхан аймгийн Отгон сумын харьяат, аймгийн харцага Т.Дүгэрдорж түрүүлж, аймгийн арслан Б.Цэдэнсодном үзүүрлэлээ. Их шөвөгт аймгийн арслан Ш.Пүрэвгарьд, аймгийн начин О.Мөнх-Эрдэнэ нар шалгарав.

Ийнхүү аймгийн харцага Т.Дүгэрдорж цэргийн арслан цол хүртсэн бол аймгийн начин О.Мөнх-Эрдэнэ цэргийн харцага, Увс аймгийн Давст сумын харьяат, сумын заан Э.Мөнх-Эрдэнэ, Увс аймгийн Малчин сумын харьяат, сумын заан Т.Батсүрэн нар цэргийн начин цолны болзол хангав. Шинэхэн цэргийн арслан Т.Дүгэрдоржийн хувьд бөхийн удамтай бөгөөд төрсөн ах нь өнгөрсөн жил улсын начин цол хүртсэн Т.Бэгзсүрэн билээ.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.