Олимп, паралимпын медальтнууд байртай, ганц Э.Содномпэлжээ л хоосон хоцров


Бразилын Рио де Жанейро хотноо  хүн төрөлхтөний эв нэгдлийн бэлгэдэл болсон 31 дэх удаагийн зуны олимп,  15 дахь удаагийн паралимпийн наадам тус тус зохион байгуулагдаж, эх орноо төлөөлөн оролцсон дөрвөн тамирчин маань медаль хүртэж, элэг нэгт монголчуудаа баярлуулсан билээ.

Тодруулбал, 31 дэх удаагийн олимпоос Д.Сумъяа мөнгө, Отгондалай хүрэл медаль хүртсэн бол паралимпийн наадмаас Б.Ууганхүү, Э.Содномпэлжээ нар тус тус хүрэл медаль хүртсэн юм. 

Тэгвэл Бразилын дэвжээнд эх орон, нутаг усныхаа нэрийг гаргаж, бахархам амжилт гаргаад ирсэн  тамирчдаа төр засаг, бизнесмэнүүд, нутгийн зөвлөлийнхөн нь чадах бүхнээрээ урамшуулсан. Үүний дүнд Д.Сумъяа, Д.Отгондалай, Б.Ууганхүү нар бүгд шинэ байртай болсон юм.  Гэвч, паралимпийн пауэрлифтингийн төрөлд анх удаа Монгол Улсыг төлөөлөн оролцож, амжилтын буухиаг нээсэн Э.Содномпэлжээ ганцаараа л байргүй хоосон хоцорчээ.

 “Сүлд” биеийн тамирын спорт хороонд харъяалагддаг тамирчнаа ШШГЕГ-ынхан цэргийн ахмад цолоор урамшуулснаас хэтэрсэнгүй.  Түүнчлэн, Увс, Эрдэнэтийн нутгийн зөвлөл нь ч таг мартжээ.

 

Олимпоос хүрэл медаль хүртсэн Отгондалайг Дорнод аймгийн нутгийн зөвлөл баатрын ёсоор угтан авч байсан санагдана. Б. Ууганхүү, Д.Сумъяа нарыг ч ялгаагүй. 

Гэвч, пауэрлифтингийн төрлийн тамирчин л ганцаараа шоовдор хүүхэд шиг хоосон хоцорсон сурагтай. Тэрбээр өөрөө ч энэ сэтгэгдлээ фэйсбүүк хуудастаа илэрхийлсэн байсан бөгөөд “Явсан авсан хүмүүс бүгдээрээ байртай боллоо. Байрандаа орлоо гэж байна. Яамаар ч юм бэ дээ” хэмээн постолсон байв.

Гавъяа байгуулсан тамирчнаа орон нутаг, байгууллага нь ч ганц байраар урамшуулж чадахгүй байхад, ер нь  жүдоч Г.Отгонцэцэг шиг өөр улсын нэрийн өмнөөс тэмцээнд оролцсон ч яадаг юм. 

Эх сурвалж: mminfo.mn

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.