УЛААНБААТАР МАРАФОН ИРЭХ БЯМБА ГАРИГТ БОЛНО


Нийслэлийн Засаг даргын Тамгын газар, Нийслэлийн Биеийн тамир, спортын хорооноос зохион байгуулж буй “Улаанбаатар марафон 2019” олон улсын гүйлтийн тэмцээн тавдугаар сарын 18-д Д.Сүхбаатарын талбайд болно. Уламжлалт гүйлтийн тэмцээн өсвөр үе, залуучууд, насанд хүрэгчид /мэргэжлийн/ болон гэр бүл, тэргэнцэртэй иргэдийн дунд болох юм. Уг гүйлтийн техникийн зөвлөгөөн маргааш “Хангарьди” ордонд 15:00 цагаас болох аж. Энэ үеэр тэмцээнд оролцогч дотоод болон гадаадын мэргэжлийн тамирчдын танилцуулга, оролцогч байгууллага болон бусад мэдээллийг хүргэх юм байна.

“Улаанбаатар марафон 2019” олон улсын гүйлтийн тэмцээний өдөр төвийн замын автомашиныг хөдөлгөөнийг хаах юм.

“Улаанбаатар марафон”-д оролцогчдын тоо жил ирэх бүр нэмэгдсээр байгаа. Тухайлбал, 2014 онд 16 мянга гаруй, 2015 онд 18 мянга, 2016 онд 27 мянга, 2017 онд 30 мянга иргэн хамрагдсан бол өнгөрсөн жил мөн хотод болон орон нутагт ажиллаж, амьдарч байгаа гадаадын иргэд, хөрш зэргэлдээ орны гүйлт сонирхогчид болон олон улс, тив, дэлхийд танигдсан нэртэй тамирчид зэрэг 30 мянга гаруй иргэн бүртгүүлэн оролцсон юм.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.