СИНГАПУРЫН БАГИЙГ 2:0-Р МОНГОЛ ОХИД ХОЖЖЭЭ


Тайланд улсын Бурирам хотод Европын хөлбөмбөгийн холбооноос зохион байгуулсан “4 Nations Tournament 2018” тэмцээн арванхоёрдугаар сарын 9-13-ны өдрүүдэд боллоо.

Ики Ёжи дасгалжуулагчтай Монгол Улсын 15 хүртэлх насны охидын шигшээ баг энэхүү тэмцээнд оролцож, сүүлийн тоглолтод Сингапурын багийг хожлоо. Япон дасгалжуулагчийн гэрээний хугацаа дуусаж байгаа учир өчигдөр/2018.12.13/ сүүлийн тоглолтоо ялалтаар өндөрлүүлжээ.

Монгол, Сингапурын тоглолт 2:0-оор өндөрлөсөн бөгөөд Ч.Солонго, Г.Энхмаргад нар гоол оруулсан байна.

Тайландын хамгийн том цэнгэлдэх хүрээлэн буюу “Бурирам Юнайтед” клубын 32 мянган хүний суудалтай “Thunder Castle” цэнгэлдэхэд Монголын баг гурван тоглолт хийж, нэг ялалт, хоёр ялагдалтайгаар тэмцээнээ дуусгалаа.

Манай охидын шигшээ баг Малта улсын шигшээ багт 3:2-оор, Тайландад 3:0-оор ялагдсан. Малтатай хийсэн тоглолтод Ч.Солонго, Б.Пүрэвдулам нар гоол оруулжээ.

Ики Ёжи дасгалжуулагчтай охидын баг өчигдөр хэсгийн сүүлийн тоглолтоо Сингапуртай хийж, 2:0-оор хожсоноор энэ удаагийн тэмцээнийг ялалтаар өндөрлүүллээ.

“4 Nations Tournament 2018” тэмцээн /2018.12.09-13, Тайланд/

  • Малта 3:2 Монгол
  • Тайланд 2:0 Монгол
  • Монгол 2:0 Сингапур
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.