МОНГОЛ УЛС, НҮБ-ЫН ХАМТЫН АЖИЛЛАГАА, ЦААШДЫН ТӨЛӨВЛӨГӨӨНИЙ ТАЛААР САНАЛ СОЛИЛЦОВ


Гадаад харилцааны сайд Д.Цогтбаатар Монгол Улс дахь НҮБ-ын Суурин зохицуулагч, НҮБ-ын Хөгжлийн хөтөлбөрийн Суурин төлөөлөгч Биата Транкманныг өнөөдөр ГХЯ-нд хүлээн авч уулзлаа.

Уулзалтаар Монгол Улс, НҮБ-ын хамтын ажиллагаа, тэр дундаа НҮБ-ын Ерөнхий нарийн бичгийн даргын санаачлан хэрэгжүүлж байгаа НҮБ-ын хөгжлийн системийн шинэчлэлийн хүрээнд гарч буй зарим өөрчлөлтүүд, цаашдын төлөвлөгөөний талаар мэдээлэл, санал солилцов.

НҮБ-ын хөгжлийн системийн шинэчлэлийн асуудлаарх НҮБ-ын Ерөнхий Ассамблейн тогтоолын дагуу НҮБ-ын Суурин зохицуулагчийн үүргийг НҮБ-ын Хөгжлийн хөтөлбөрийн Суурин төлөөлөгчийн үүргээс салгах шилжилтийн үйл явц эхэлсэнтэй холбогдуулан Монгол Улс дахь НҮБ-ын Суурин зохицуулагч, НҮБ-ын Хөгжлийн хөтөлбөрийн Суурин төлөөлөгч Биата Транкманн нь Суурин зохицуулагч шинээр томилогдох хүртэл НҮБ-ын Суурин зохицуулагчийн үүрэг гүйцэтгэгч (Resident Coordinator ad interim)-ээр ажиллах болж байгаа юм.

Гадаад харилцааны сайд дээрх шинэчлэлтэй холбогдуулан гарах аливаа шилжилтийн үйл явц, өөрчлөлтийг Засгийн газрын зүгээс аль болох ойлгож, дэмжиж ажиллахаа илэрхийлсэн болно.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.