ХУДАЛДААНЫ ШИНЭ ТАТВАРЫГ ТҮР ХОЙШЛУУЛАХААР ТОХИРОЛЦОВ


Аргентины нийслэл Буэнос-Айрес хотноо зохион байгуулж буй “Их 20”-ийн дээд хэмжээний уулзалтын үеэр АНУ-ын Ерөнхийлөгч Дональд Трамп болон БНХАУ-ын дарга Си Жиньпин нар уулзаж, бараа бүтээгдэхүүнд ногдуулах шинэ татварыг 90 хоногоор хойшлуулахаар тохиролцов.

Хятадын талын мэдээлснээр, нэгдүгээр сарын 1-нээс хойш худалдааны шинэ татвар ногдуулахгүй аж.  

Бямба гарагийн өглөө болсон дээд хэмжээний уулзалтаар “Их 20”-ийн бүлгийн удирдагчид худалдааны асуудлыг онцлон тэмдэглэсэн хамтарсан мэдэгдлийг гаргахаар тохиролцсон хэдий ч худалдааны хамгаалах бодлогыг шүүмжлээгүй байна.

“Их 20”-ийн уулзалтын өмнө Д.Трамп Хятадын 200 тэрбум ам.долларын үнэ бүхий бараа бүтээгдэхүүнд ногдуулсан татварын хэмжээг нэмэгдүүлэхээр төлөвлөж байгаа тухайгаа мэдээлсэн юм.

АНУ-БНХАУ-ын удирдагчид ямар тохиролцоонд хүрэв?

Цагаан ордноос мэдээлснээр, нэмэлт татвар ногдуулах арга хэмжээг 90 хоногийн хугацаагаар түр хойшлуулсан боловч энэ хугацаанд талууд зөвшилцөлд хүрч чадаагүй тохиолдолд 10 хувийн нэмэлт татварыг 25 хувь болгон нэмэгдүүлэх аж.

Харин БНХАУ-ын төрийн телевиз мэдээлэхдээ, ирэх оны нэгдүгээр сарын 1-нээс хойш ямар ч нэмэлт татвар ногдуулахгүй бөгөөд талуудын яриа хэлэлцээ үргэлжилсээр байх болно гэжээ. 

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.