НИСЭХ ОНГОЦОН ДАХЬ ТААГҮЙ ҮНЭРИЙН УЛМААС ОНГОЦ ЭРГЭН ГАЗАРДАХАД ХҮРЧЭЭ


Лхагва гарагт Индонезийн Бенкулу мужаас Жакарта хотыг зорин хөөрсөн нисэх онгоцны бүхээгт тархсан таагүй үнэрийн талаар зорчигчид гомдол гаргасны улмаас уг нисэх онгоц тун удалгүй эргэн газардсан байна.

Агаарын тээврийн “Sriwijaya” компанийн нисэх онгоцноос таагүй үнэр гарсны учир нь онгоцны тээшинд дэлхийн хамгийн муухай үнэртэй жимс гэгддэг “дуриан” жимсийг тээвэрлэсэн байсантай холбоотой бөгөөд нийт хоёр тонн орчим жимс байжээ.

Зөвхөн зорчигчид төдийгүй нисэх багийн ажилтнууд хүртэл уг жимсийг онгоцноос буулгах хүсэлтийг агаарын тээврийн компанид гаргасан ажээ. Компанийн ажилтнууд тэдний хүсэлтийг хүлээн авч, эвгүй үнэр бүхий ачааг буулгасан байна.

Уг нислэг орон нутгийн цагаар өнөө өглөөний 11:40 цагийн орчимд дахин хөөрсөн нь цагийн хуваариас нэг цагаар хоцроход хүргэжээ.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.