ЭМЭГТЭЙ ХӨЛБӨМБӨГЧИД СИНГАПУРЫН БАГТАЙ 2:2-ООР ТЭНЦЛЭЭ


Токио-2020” олимпийн наадмын эрхийн төлөөх тэмцээний нэгдүгээр шатанд өрсөлдөж байгаа Монголын хөлбөмбөгийн эмэгтэйчүүдийн үндэсний шигшээ баг өчигдөр/11.06/ Сингапурын багтай тоглож, 2:2-оор тэнцлээ.

Ц.Ганболд дасгалжуулагчтай эмэгтэйчүүдийн үндэсний шигшээ багийнхан тоглолтын нэгдүгээр үеийн санаачлагыг бүрэн гартаа авч, эхний 45 минутад хоёр ч гоолыг оруулав. Манай шигшээ багийн хамгийн туршлагатай тоглогч Б.Намуун дөрөв дэх минутад тооны харьцааг нээж, 37 дахь минутад Т.Ундрал багийнхаа хоёр дахь гоолыг оруулсан юм. Харин хоёрдугаар үед Сингапурын багийнхан хоёр гоолыг манай хаалганд оруулан үндсэн цаг 2:2-оор өндөрлөлөө.

Хэдийгээр хоёр гоолын зөрүүгээр хожиж яваад харамсалтайгаар тэнцсэн ч энэ тэнцээ Монголын шигшээ багийн Олимпын наадмын эрхийн төлөөх тэмцээнээс авсан анхны оноо болон түүхэнд тэмдэглэн үлдэж байгааг онцлох ёстой.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.