МОНГОЛ ОХИД НЭГ ХОЖИЛ, ХОЁР ХОЖИГДОЛТОЙ ТЭМЦЭЭН ӨНДӨРЛҮҮЛЭВ


Азийн хөлбөмбөгийн холбооноос 19 хүртэлх насны охидын тивийн аварга шалгаруулах тэмцээний урьдчилсан шатны тоглолтуудыг өнгөрсөн долоо хоногт Тайланд, Вьетнам, Ливан, Киргизстан, Тажикстан болон Мьянмар улсад зохион байгууллаа.

Япон дасгалжуулагч Ики Ёүжигээр удирдуулсан Монголын 19 хүртэлх насны охидын шигшээ багийн ихэнх тоглогчид 16 хүртэлх насных бөгөөд тэдний хувьд түүхэн нэг хожилтой энэ тэмцээнийг өндөрлүүллээ. Урьдчилсан шатны “А” хэсэгт багтсан Монголын охидын баг өчигдөр хэсгийн сүүлийн тоглолтоо Ливаны багтай хийж 4:0-ээр хожигдлоо.

Манай охид эхний тоглолтод Австралид 18:0-ээр хожигдсон ч хоёр дахь тоглолтод Хонконгийг 1:0-ээр хожин түүхэн ялалт байгуулсан юм. Анх удаа Ази тивийн аварга шалгаруулах тэмцээний урьдчилсан шатанд өрсөлдсөн охидын баг ийнхүү нэг хожил, хоёр хожигдолтой тэмцээнээ дуусгав. Монголын охидын шигшээ баг багтсан “А” хэсгээс Австрали, Ливаны багууд 2019 оны дөрөвдүгээр сард Тайландад болох финалын шатанд өрсөлдөх эрхийг авлаа. Мөн Иран, Мьянмар, БНСУ, Узбекстан, Непал, Вьетнамын багууд цааш шалгарсан. Энэ багуудаас гадна Тайланд, Япон, БНАСАУ, БНХАУ-ын баг нэмэгдэнэ.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.