ЗАЛУУ БӨХЧҮҮД УЛААН-ҮДЭЭС 13 МЕДАЛЬТАЙ ИРЖЭЭ


Чөлөөт бөхийн залуучууд, насанд хүрэгчдийн дэлхийн аварга, Европын болон Ази тивийн аварга Буриадын алдарт бөх Борис Дугданович Будаевын нэрэмжит залуучуудын олон улсын тэмцээн энэ сарын 26-27-нд Улаан-Үд хотод болж манай бөхчүүд 13 медаль хүртжээ.Энэхүү 26 дахь удаагийн уламжлалт тэмцээнд Монгол, ОХУ-ын Буриад, Якут, Тува, Эрхүү, Хакасия, Междуреченск, Забайкальский, Красноярск зэрэг хот хязгаараас 230 гаруй залуус эрэгтэйчүүдийн 10 жинд өрсөлдөв. Улаан-Үдийн дэвжээнд манай улсаас 70 гаруй тамирчин хүч үзсэнээс гурван алт, таван мөнгө, таван хүрэл медалийн эзэд тодорлоо.

Тодруулбал, 79 кг-д Баасандоржийн Цэрэндаш, 97 кг-д Төмөрбатын Мөнгөншагай, 125 кг-д Мөнхтөрийн Лхагвагэрэл нар алтан медалийн эзэд болсон бол 79 кг-д Ичинхорлоогийн Баатарчулуун, 86 кг-д Энхтүвшингийн Батмагнай, 92 кг-д Чинбатын Алтангэрэл, 97 кг-д Болорын Бадрал, 125 кг: Буянтогтохын Ганзолбоо нар мөнгөн медаль тус тус хүртжээ. Харин тус тэмцээний хүрэл медалийг 70 кг-д Болдбаатарын Сундуйжадамба, 74 кг-д Батсуурийн Отгонбаяр, 97 кг-д Цогбадрахын Баттулга, 125 кг-д Содбилэгийн Ган-Эрдэнэ, 97 кг-д Мөнхбатын Сумъяабазар нар тус тус хүртсэн байна.

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.