МУУ ҮЙЛ ХИЙСЭН Ч КИНОНД НЭРЭЭ МӨНХӨЛСӨН ЦУУТАЙ ЛУЙВАРЧИН


Фрэнк Уильям Абагнель 1948 онд АНУ-д мэндэлжээ. Фрэнк Абагнель бол 1960-аад онд хуурамч чек үйлдэж, түүгээрээ таван жилийн турш 26 орон дамжуулан гүйлгээ хийж, 2,5 сая доллар завшсан нэгэн юм. Түүний амьдралаас сэдэвлэн бүтээсэн “Чаддаг юм бол намайг барь” уран сайхны киног уншигчид сайн мэдэх биз ээ.

Тэр анхны луйвраа бага насандаа хийсэн бөгөөд эцгийнхээ мобайл карт ашиглан машин худалдан авч, шатахуун түгээгүүрийн газар хямд үнээр зарж байжээ. Эцэг нь энэ мөнгөөрөө төлбөрөө хийх ёстой гэдгийг тэр үед сайн ойлгоогүй байсан бөгөөд энэ үйлдэл нь эцэстээ луйвар хийх замруу түлхсэн гэдэг. Ээж нь түүнийг өсвөр насанд нь зөв зам руу хөтлөхийн тулд дөрвөн сар өөр дээрээ байлгахаар шийдсэн байна. Гэсэн ч тэр луйврын үйл ажиллагаагаа явуулахын тулд Нью-Йоркт ганцаараа амьдарч эхэлжээ.

Фрэнкийн хамгийн алдартай залилангийн хэрэг нь банкны орлогын баримтыг хуурамчаар хэвлэж, нийт 40 мянган доллар авсан явдал юм. Хуурамч бичиг баримт ашиглан “Пэн Эм” онгоцны нисэгч хоёр жилийн турш хийж, дэлхий даяар чөлөөтэй аялсан байна. Онгоц газардах үед баригдсан боловч дүрээ өөрчлөн эмч болж, ямар нэгэн асуудал үүсгэлгүйгээр эмчийн ажлыг 11 сар хийсэн гэдэг. Мөн хуульч, багшаар ажилласан байна. Эцэстээ Францад баригдаж, шоронд 6 сарыг өнгөрүүлжээ. Түүний хэргийг Францаас Шведийн талд хүлээлгэн eгсөнөөр 6 сараас ч илүү хугацаагаар баривчлагдах болсон юм. Тэндээс амжилттай зугтаж, Америк руу аялахаар явж байгаад шоронд 12 жил хоригдох ял сонсжээ. Гэсэн хэдий ч шоронгийн нууц ажилтны дүрд зүсээ хувилан зугтаж амжсан байна. Тэр Нью-Йоркт байж байгаад дахиад л баригдаж, гянданд буцаад оржээ.

Ердөө тавхан жил ялаа эдлээд, АНУ-ын холбооны мөрдөх товчоо Засгийн Газрын эсрэг луйвар, залилангийн хэрэгт цалингүйгээр туслахыг санал болгосоноор дахин эрх чөлөөтэй болсон байна. Тэрээр одоо олон сая долларын хөрөнгөтэй бөгөөд “Abagnale and Associates” хэмээх санхүүгийн луйвраас сэргийлэх, зөвлөгөө өгөх компанитай юм. 

Б.Мөнхтуяа

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Fatal error: Call to undefined function write_cache() in /var/www/html/xac/ww.anews.mn/cache_footer.php on line 6