ХҮЧТЭЙ ГАЗАР ХӨДЛӨЛТИЙН УЛМААС 3 ХҮН АМИА АЛДААД БАЙНА


Японы Осака хотод болсон 6.1 магнитудын хүчтэй газар хөдлөлтийн улмаас гурван хүн амь үрэгдэж, 61 хүн гэмтэж бэртсэн тухай телевизийн “Эн-Эйч-Кэй” суваг мэдээлэв.

Хана нурсны улмаас 9 настай охин болон өндөр настай эрэгтэй амиа алдсан бол өөр нэг эрэгтэй хүн номын тавиурт дарагдан нас баржээ. Бэртэж гэмтсэн олон арван хүнийг эмнэлэгт хүргэж байгаа бөгөөд гал сөнөөгчид Осакагийн хойд хэсэгт гарсан галыг унтраахаар ажиллаж байгаа гэнэ.

Тус мужийн зарим хэсэгт хоолой задарсны улмаас замууд усаар бүрхэгдээд байгаа бөгөөд одоогийн байдлаар цахилгаан шатанд гацсан гэх 14 тохиолдол бүртгэгдээд байгаа юм байна. Эцэг эхчүүд хүүхдээ авах хүсэлтэй байгаагийн улмаас зарим дунд сургууль түр хаагджээ.

Зэргэлдээ оршдог Фукуй мужийн удирдлагуудын мэдээлснээр, тус мужийн мэргэжилтнүүд цөмийн бүх реактороо шалгаж үзэхэд ямар нэгэн асуудал гараагүй аж.

Э.Хулан

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.