"ТАЛЫН ХӨХ ЧОНОНУУД" 2019 ОНЫ ДАШТ-ИЙ ЭРХИЙН ТӨЛӨӨХ ТЭМЦЭЭНИЙ БЭЛТГЭЛИЙГ КАТАР УЛСАД ХИЙНЭ


ДАШТ-ий өмнөх өдөр ОХУ-ын нийслэл Москва хотноо Олон улсын хөлбөмбөгийн холбоо/ФИФА/-ны 18 дахь Их хурал /FIFA congress/-д Монгол Улсаас МХБХ-ны Ерөнхийлөгч А.Ганбаатар, Ерөнхий нарийн бичгийн дарга Ө.Шижир, Гадаад харилцааны дарга С.Монголжингоо нар оролцлоо.

Тус хурлаар уламжлал ёсоор төсөв, хөтөлбөрүүдээ танилцуулан баталсны зэрэгцээ энэ ДАШТ-ээс эхлэн тоглолтын дундуур бичлэг үзэж, шүүгчийн шийдвэрийг өөрчлөх болон эцэс болгох, 2026 оны дэлхийн аваргыг АНУ, Канад, Мексик гэсэн гурван улсад зохион байгуулахыг санал хураалтаар шийдлээ. Эдгээр гурван улстай Марокко өрсөлдсөн. Дашрамд дуулгахад С.Монголжингоо нь хэдхэн хоногийн өмнө ОУХБХ-ны “FIFA Master” сургуулийг төгссөн юм.

МХБХ-ны удирдлагууд хамтран ажилладаг Унгар, Катарын хөлбөмбөгийн холбоодтой уулзаж, хамтын ажиллагааны хүрээнд санал солилцжээ. Монголын төлөөлөгчид уг хурлаар Сингапур, Камбож, Шри Ланка, Лаос, Вьетнам, Турк, Катар улсын шигшээ багтай нөхөрсөг тоглолт хийхээр тохиролцсон байна. Тухайлбал "Талын хөх чононууд" энэ оны 10, 11 дүгээр сард Сингапур, Мьянмар, Камбож улстай нөхөрсөг тоглолт хийнэ.

Мөн 2019 оны хоёрдугаар сард ДАШТ-ий эрхийн төлөөх тэмцээний урьдчилсан шатны бэлтгэл болгон Катар улсад нэгдсэн бэлтгэлд гарахаар боллоо. Ирэх 6 дугаар сарын сүүлч, 7 дугаар сарын эхээр манай эх оронд АХБХ-ны Ерөнхийлөгч айлчлах бэлтгэл ажлыг танилцуулахад, Ерөнхийлөгч сэтгэл хангалуун байгаагаа хэлээд  энэ сарын 29-нд очихоо амласан бол ОУХБХ-ны Ерөнхийлөгчтэй “FIFA FORWARD” төслийн талаар ярилцав. Түүний үр дүнд уг төслийн хурлыг 7 дугаар сард Монголд зохион байгуулахаар болжээ. Хуралд нийт 12 улсын төлөөлөгч хүрэлцэн ирж, шийдвэрлэх чухал асуудлуудыг хэлэлцэх юм.



Дэлхийн хөлбөмбөгийн нэр нөлөө бүхий алдартнуудтай хийсэн уулзалт үүгээр зогсоогүй бөгөөд Диего Форлан, Роберто Карлос, Хавьер Заннети гэсэн хөлбөмбөгчдөд "Алтан бөмбөг" ёслолын ажиллагаанд хүрэлцэн ирж оролцохыг урьсан байна. Алдартай хөлбөмбөгчдөөс Монголд ирэх боломжтой нь цаг заваа тааруулаад ирэхээ мэдэгджээ.

Дэлхийн 211 улсын хөлбөмбөгийн холбоод ОУХБХ-ны Их хуралд оролцохын зэрэгцээ төдий тооны улс үндэстний хүүхдүүд "Хөлбөмбөг ба нөхөрлөлийн төлөө" олон улсын фестивальд оролцож байна. Энэ бүх үйл ажиллагаанд МХБХ идэвхтэй оролцохын зэрэгцээ, дотоодын хөлбөмбөгийн спортыг хөгжүүлэхэд шаардлагатай олон ажлыг шийдвэрлэж байгаа аж.

Д.Өлзий
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Fatal error: Call to undefined function write_cache() in /var/www/html/xac/ww.anews.mn/cache_footer.php on line 6