Хүүхдээ бүүвэйлэнгээ шалгалтаа өгч буй ээж интернэтийн од болж байна


Афганистаны Дайкунди мужийн иргэн, 25 настай Жахантаб Ахмади нь жирийн нэгэн фермер бөгөөд анагаахын сургуульд суралцаж эмч болох туйлын хүсэлтэй ажээ. Ахмади гурван хүүхэдтэй завгүй ээж хэдий ч энэ хүсэл мөрөөдлөө орхиогүй юм. Тэрээр алс бөглүү тосгоноос хоёр цаг орчим уулын замаар, есөн цаг орчим нийтийн тээврээр явж байж нийслэлд ирэн их сургуульд элсэх шалгалтаа амжилттай өгсөн байна. Түүний нярай хүүхдээ бүүвэйлэнгээ шалан дээр суун элсэлтийн шалгалт өгч буй дүр зургийг их сургуулийн нэгэн профессор анзаарч гэрэл зургийг нь нийтэд дэлгэсэн юм. Түүнээс хойш цахим ертөнцөөр хандивын аян өрнөж, Афганы залуучуудын холбооноос Ахмадийн сургалтын төлбөрт 14 мянган доллар зориулахаар болсон байна.

Тэр бол сурч боловсорч чадахгүй байгаа Афганы жирийн нэгэн эмэгтэйчүүдийн төлөөлөл юм. Тус улсын иргэдийн 39 хувь нь ядуу амьдардаг бөгөөд хүн амын ердөө 36 хувь нь бичиг үсэг тайлагдсан байдаг ажээ. Энд эмэгтэйчүүдийн сурч боловсрол эрх хамгийн их зөрчигддөг байна.

Б.Мөнхтуяа

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.