Худал мэдүүлэг өгсөн Америкийн тамирчны тэмцээнд оролцох эрхийг хасав


ВАШИНГТОН. /TASS/. Олимпод оролцох үеэрээ дээрэмдүүлсэн гэж худал мэдүүлэг өгсөн Америкийн усанд сэлэгч Райан Лохте-гийн тэмцээнд оролцох эрхийг нь 10 сарын хугацаагаар хассан тухай Usatoday цахим хуудсанд мэдээлжээ. Уг шийдвэрийг АНУ-ын Үндэсний Олимпын хороо, Америкийн усанд сэлэлтийн холбоо хамтран гаргасан байна.
 
Ингэснээр тэрбээр 2017 онд болох усанд сэлэлтийн ДАШТ-нд оролцох боломжгүй болж байгаа юм. Бразилын цагдаа нарт худал мэдүүлэг өгсөн гэх дуулианд холбогдсон Гуннар Бенц, Жек Конгер, Жеймс Фейген нарыг ч мөн адил тодорхой хугацаагаар тэмцээнд оролцуулахгүйгээр шийдвэрлэсэн боловч хамгийн хүнд шийтгэлийг Лохте-д оноосон байна. Тодруулбал, Лохте-гийн хувьд тэмцээнд оролцох эрхийг нь 2017 оны 6 дугаар сарын 30-ныг хүртэл хассан боловч мөн оны 7 дугаар сард Будапештэд болох ДАШТ-нд оролцуулахгүй байхаар шийдвэрлэжээ.
 
Үүний сацуу, өнгөрсөн долоо хоногийн пүрэв гарагт Бразилын цагдаагийн газар Лохте-гийн хэргийг шүүхэд шилжүүлснээ мэдэгдсэн байна. Шүүхээс Америкийн усанд сэлэгчийг Бразилд дуудан ирүүлж, мэдүүлэг авна гэсэн боловч Лохте баривчлагдан хоригдохоос болгоомжлон тус улсад очих бодолгүй байна.
 
 
Эх сурвалж: “Монцамэ” агентлаг
twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.