Японы тэнгист осолдсон АНУ-ын тэнгисийн цэргүүдийн цогцсыг илрүүллээ


АНУ-ын пуужин устгах Фицджеральд усан онгоц Филиппиний ачааны усан онгоцтой мөргөлдсөнийхөө дараа Ёкосука Тэнгисийн Бааз руугаа буцаж байгаа нь 

Өчигдөр /6-р сарын 18/ АНУ-ын пуужин устгах Фицджеральд усан онгоц болон Филиппиний ачааны усан онгоц мөргөлдсөний улмаас сураггүй болоод байсан багийн долоон гишүүний цогцсыг далайгаас илрүүлжээ. Эрлийн ажиллагааг явуулсан АНУ-ын Тэнгисийн долдугаар флот тэдний хэн болохыг тогтоосон байна.

Тодруулбал, АНУ-ын пуужин устгагч 10000 тонн жинтэй усан онгоц болон Филиппиний туг хатгасан 29000 тонн жинтэй ачааны усан онгоцтой Японы Изу тэнгисийн хойгт бямба гаригын өглөө /6-р сарын 17/ мөргөлджээ. Уг тэнгисийн замаар өдөрт 400-500 хөлөг онгоц зорчдог байна.

Мөргөлдөөний улмаас АНУ-ын сөнөөгч усан онгоц ихээхэн хэмжээгээр эвдэрч гэмтсэнээс гадна хөлгийн гишүүдийнхээ амь насыг ийнхүү алдлаа. Харин Филиппиний ачааны усан онгоц багахан хэмжээний хохирол амсчээ. Хоёр хөлөг онгоц хэрхэн мөргөлдсөнийг тогтоохоор АНУ-ын тэнгисийн цэргээс гадна Япон, Филиппиний талаас хамтарсан мөрдлөгийг явуулахаар болжээ.

Орчуулсан: С.Нарангарав

Эх сурвалж: CNN

twitter share 0
Таны ямар жилтэй вэ?
Та Like дарж саналаа өгсөн ч таны санал нэмэгдэхгүй байвал Confirm дээр дарж саналаа баталгаажуулна уу! Та саналаа өгсөнөөр Facebook дээрээ өөрийн жилийн зурхайг хүлээн авч байх болно.
АНХААРУУЛГА: Уншигчдын бичсэн сэтгэгдэлд anews.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.